„ყოველდღე სამხრეთ ამერიკული სერიალისთვის ძალიან უნიჭო პროცესს ვუყურებთ - სამწუხაროდ, საქმე გვაქვს პოლიტიკურ ინტრიგასთან. ასე აფასებს პრემიერ-მინისტრი ბოლო დღეების განამვლობაში ომეგა ჯგუფის საქმესთან დაკავშირებით გავრცელებულ ფარულ ჩანაწერებს, სადაც ხელისუფლების მოქმედი და ყოფილი პირველი პირების სახელები და გვარები ფიგურირებს. როგორც პრემიერ-მინისტრმა აღნიშნა, მიმდინარეობს გამოძიება, რომლის ფარგლებშიც ყველას ექნება საშუალება თავისი სიმართლე დაამტკიცოს. თავად კი კატეგორიულად გამორიცხავს ბიზნესზე ზეწოლის ფაქტებს. მთავრობის სხდომის დამთავრების შემდეგ. მინისტრთა კაბინეტის სხვა წევრებსაც მოუწიათ ომეგა ჯგუფის თემაზე განცხადებების გაკეთება.