სოფელ ველისციხის სიღნაღის მსგავს ქალაქად გადაკეთება იგეგმება. კახეთის ხმის ინფორმაციით, სოფლის ცენტრალურ ნაწილში შარდენის მსგავსი ქუჩა მოეწყობა. მასშტაბური პროექტის ერთ-ერთი დამფინანსებელი აზიის განვითარებისა და ევროპის რეკონსტრუქციის ბანკია. პროექტის ფარგლებში გათვალისწინებულია საჯარო სკოლის, ბაზრის და დასასვენებელი ბარკის რეაბილიტაცია, სპორტული მოედნების მოწყობა. ველისციხის ტურისტულ ცენტრად ქცევის პროექტი გურჯაანის მაჟორიტარი დეპუტატის, დავით სონღულაშვილის ინიციატივით განხორციელდება. დეპუტატის განცხადებით, ველისციხე როგორც გეოგრაფიული, ისე სატრანსპორტო კვანძია საქართველოში, შესაბამისად მისი განვითარების პოტენციალი ძალიან დიდია. არქიტექტორების ჯგუფი, რომელმაც გაიმარჯვა ტექნდერში, მუშაობს ველისციხის გენერალური რეგულირების გეგმაზე. ეს მოიცავს თუ როგორ უნდა განვითარდეს თითოეული უბანი, სად უნდა იყოს საფეხმავლო გზა, როგორ უნდა დაუკავშირდეს ერთმანეთს ქუჩები.

18.10.2018