ღვინის წარმოების დარგში მორიგი საკანონმდებლო ცვლილებები იგეგმება - ამჯერად ღვინის სერტიფიცირების წესთან მიმართებაში. მკაცრდება მოთხოვნები ქართული საექსპორტო ღვინის ხარისხზე. დაგეგმილი ცვლილებები ადგილობრივ ბაზარზე რეალიზაციისთვის განკუთვნილ ღვინოსაც შეეხება. ეკა გაზდელიანი არკვევდა დეტალებს. ეკა, რატომ გახდა საჭირო საექსპორტო ღვინის ხარისხის კონტროლის გამკაცრება?
-----------------------------------------------
გარდა იმისა, რომ საექსპორტო ღვინოზე მკაცრდება სადეგუსტაციო მოთხოვნები, ასევე ცვლილებები იგეგმება ქიმიური ანალიზის მიმართულებითაც, ასევე მკაცრდება სიტყვა „დავარგებულის“ გამოყენება და როგორც ღვინის ეროვნულ სააგენტოში გვითხრეს მისი გამოყენება უკონტროლო აღარ იქნება. ღვინის ეროვნული სააგენტოს თავმჯდომარე ამბობს, რომ ცვლილებების შედეგად უკეთესად გაკონტროლდება ღვინის თვისობრივი შემადგენლობის ცვლილებების მცდელობები. შედეგად კი სააგენტოში მოლოდინი აქვთ რომ ქართული ღვინო საერთაშორისო ბაზრზებზე უფრო მარალ სეგმენტში გადაინაცვლებს.

----------------------------

სომელიეთა ასოციაციაში აცხადებენ, რომ საექსპორტო ღვინის სერტიფიცირება უნდა გამკაცრდეს. რადგან, კეთილსინდისიერი მეწარმეები არ დაზარალდნენ და ქართული ღვინისა იმიჯს საერტაშორისო ბაზრებზე ჩრდილი არ მიადგეს. ამისთვის სომელიეთა ასოციაციას გარკვეული რეკომენდაციები აქვს, მათ შორის ერთ-ერთი არის ის, რომ საექსპორტო ღვინის ნიმუშების აღების სისტემა უნდა გამკაცრდეს და ნიმუშები შესამოწმებლად აიღონ ღვინის ეროვნული საგენტოს ოფიცრებმა და არა კომპანიებმა.

--------------------------------

ცვლილებები სავარუდოდ ხარისიხს კონტროლში 2019 წლიდან ამოქმედდება. შეგახსენებთ რომ შარშან ასევე ცვლილებები შევიდა ვაზისა და ღვინის შესახებ კანონში. სოფლის მეურნეობის სამინისტროში აცხადებენ, რომ ქართული ღვინის მარკეტინგის მიმართულებითაც ახალი ეტაპი დაიწყება.

✔️ ყველა სიახლე იხილეთ ბმულზე: https://goo.gl/1H1b91