ამერიკის შეერთებული შტატების თავდაცვის მდივანი, ჯეიმს მატისი საქართველოს პრემიერ-მინისტრს, მამუკა ბახტაძეს მადლობას უხდის. მიზეზი
თავდაცვის სფეროში განხორციელებული რეფორმები და შეიარაღებულ ძალებში კაპიტალდაბანდებისთვის ნაკისრი ვალდებულებაა.
წერილში, რომელიც საქართველოს მთავრობის მეთაურმა პენტაგონიდან მიიღო, აღნიშნულია, რომ საქართველოს მიერ თავდაცვაზე მთლიანი შიდა პროდუქტის ორი პროცენტის დახარჯვა და თავდაცვის ხარჯების ოცი პროცენტის მიმართვა ძირითადი შეიარაღების შესყიდვაზე, ნატოს სტანდარტებთან სრულ შესაბამისობაშია.
აშშ-ის თავდაცვის მდივანი ასევე პოზიტიურად აფასებს საქართველოს თავდაცვის მინისტრ, ლევან იზორიას საქმიანობას და მის მიერ უსაფრთხოების სფეროში აშშ-საქართველოს ორმხრივი თანამშრომლობის საკითხების სიღრმისეულ ცოდნას. "ვრჩები ჩვენი სტრატეგიული პარტნიორობის კიდევ უფრო მეტად განმტკიცებაზე ნაკისრი ვალდებულების ერთგული“-ეს არის ამონარიდი იმ გზავნილიდან, რომელიც საქართველოს პრემიერ-მინისტრმა ამერიკიდან მიიღო.

✔️ ყველა სიახლე იხილეთ ბმულზე: https://goo.gl/1H1b91