საქართველო პრეზიდენტის მოლოდინში - საპრეზიდენტო არჩევნები არ დამთავრებულა და მეორე ტური გარანტირებულია. ცესკოს წინასწარი მონაცემებით, უბნების თითქმის 100% უკვე დათვლილია და ხმების 38.63% სახელისუფლებო პარტიის მიერ მხარდაჭერილმა კანდიდატმა სალომე ზურაბიშვილმა მიიღო, 37.74% კი - გრიგოლ ვაშაძემ. შედეგების მიხედვით, ნათელია, რომ მეორე ტურში ერთმანეთს ვაშაძე და ზურაბიშვილი შეხვდებიან. ვინ გახდება - საქართველოს პრეზიდენტი, პრონოზის გაკეთება რთულია, მაგრამ რაც ზუსტად ვიცით ისაა, რომ 1 მლნ ლარის სესხის დაფარვა, რომელიც სალომე ზურაბიშვილმა 1 ოქტომბერს „ქართუ ბანკისგან“ აიღო, გადასახადის გადამხდელებს მოგვიწევს. თუ რატომ ამას თელარა გელანტია გვეტყვის, რომელიც ასევე, ფინანსურ დეკლრაციებზე დაყრდნობით მოგვიყვება რა ქონებას ფლობენ და რა ვალდებულებები აქვთ პოტენციურ პრეზიდენტებს.