ზესტაფონის მერის მოადგილემ ბესიკ ლეონიძემ თანამდებობა დატოვა. პარალელურად, მის ადგილზე ახალი ვიცე-მერი დაინიშნა. ქუტაისიპოსტის ინფორმაციით, ლეონიძე ფეროშენადნობთა ქარხნის თანმაშრომელმა, ელგუჯა კვეტენაძემ ჩაანაცვლა. ბესიკ ლეონიძემ გადაგომის თაობაზე განცხადება თავად დაწერა. თუმცა, ქუთაისიპოსტის ინფორმაციით, მან ეს "დავალება" ცენტრიდან მიიღო. თანანამდებობა, ასევე, შესაძლოა დატოვოს ზესტაფონის მერმა კახაბერ მახათაძემაც. დაუდასტურებელი ინფორმაციით, მერის მოვალეობას ახლადდანიშნული ვიცე-მერი შეასრულებს. კახაბერ მახათაზე ზესტაფონის არჩეული მერი გახლავთ. ის ამ დროისთვის, თანამდებობიდან წასულ და ახლადანიშნულ ვიცე-მერების მსგავსად, ზესტაფონში არ იმყოფება. მათ პოზიციას, დაკავშირებისთანავე შემოგთავაზებთ. ზესტაფონის მერის კახაბერ მახათაძის თანამდებობიდან შესაძლო წასვლაზე მერიის ადმინსტრაციული სამსახურის უფროსი ეკა დუგლაძე ამ ეტაპზე კომენტარის გაკეთებისგან თავს იკავებს.


09.11.2018