თბილისის სახელმწიფო უნივერსიტეტმა მასწავლებლის ეროვნული ჯილდოს საუკეთესო ხუთეულის წევრს, სურამის მეორე საჯარო სკოლის ისტორიის მასწავლებელს ჯაბა ლაბაძეს და მის მოსწავლეებს უმასპინძლა. ჯაბა ლაბაძემ თსუს ისტორიის ფაკულტეტის სტუდენტებს სემინარი ვიკიპედიისა და ვიკიტექნოლოგიების გამოყენებაზე ჩაუტარა. ჯაბა ლაბაძე ერთადერთი ქართველი მასწავლებელია, რომელიც 2008 წლიდან მუშაობს ქართულენოვანი ვიკიპედიის გამდიდრებაზე და დაწერილი აქვს 12,300 ენციკლოპედიური სტატია.