სალომე ზურაბიშვილი 1952 წლის 18 მარტს პარიზში, ქართული პოლიტიკური მოღვაწის, წლების განმავლობაში საფრანგეთის ქართული სათვისტომოს თავმჯდომარის, ლევან ზურაბიშვილის ოჯახში დაიბადა. დიპლომატიური კარიერა 1974 წელს რომში, საფრანგეთის საელჩოს მესამე მდივანის თანამდებობით დაიწყო. 1977-1980 წლებში გაერთიანებული ერების ორგანიზაციაში მუშაობდა. 1980ც-1984 წლებში მუშოაბდა საფრანგეთის საგარეო საქმეთა სამინისტროს ანალიზისა და პროგნოზის ცენტრში. სალომე ზურაბიშვილი, როგორც საქართველოს საგარეო საქმეთა მინისტრი იყო მთავარი მომლაპარაკებელი, რომელმაც საქართველოდან რუსული ბაზების გაყვანის შესახებ შეთანხმებას მიაღწია. ზურაბიშვილმა მინისტრობის დროს შექმნა „საქართველოს მეგობარი სახელმწიფოების ახალი ჯგუფი“, რომლის წევრებიც არიან უკრაინა, ლიტვა, ლატვია, ესტონეთი, რუმინეთი, ბულგარეთი, ჩეხეთი და პოლონეთი. ეს სახელმწიფოები საქართველოს ევროატლანტიკურ სივრცეში ინტეგრაციის საკითხში ეხმარებიან.