კატარი ნავთობმომპოვებელთა გაერთიანება OPEC-ს პირველი იანვრიდან ტოვებს. Al Jazeera -ს ინფორმაციით, გადაწყვეტილების შესახებ ოფიციალურმა დოჰამ ორგანიზაციას უკვე აცნობა. მიზეზად გაზის მოპოვების გაზრდაზე ფოკუსირების სურვილი დასახელდა. ქვეყნის ენერგეტიკის მინისტრის საად ალ- ქააბის თქმით, კატარს სურს გაზის წლიური მოპოვება 77 მლნ-დან 110 მლნ კუბ.მეტრამდე გაზარდოს. კატარული ნავთობის წილი კარტელის მთლიან მოპოვებაში, 2017 წელს, 1.85%-ს შეადგენდა. დღიური მოპოვება 600 000 ბარელია, მაშინ როცა კარტელის ყველა წევრი ერთად ყოველდღიურად 32 მლნ ბარელს მოიპოვებდა.
საფრანგეთმა უარი თქვა ნავთობის ფასის ზრდაზე და ამას მერე დავუბრუნდებით კიდევ.
ახლა აშშ-ის ყოფილი პრეზიდენტის, ჯორჯ ბუშის საპატივსაცემოდ მოკლე ჩართვით უნდა დავიწყოთ ბლოკი. ბუში უფროსი 94 წლის ასაკში 30 ნოემბერს გარდაიცვალა. ის აშშ-ის 41-ე პრეზიდენტი იყო. ის კარიერის განმავლობაში არაერთ მნიშვნელოვან თანამდებობას იკავებდა, მათ შორის, იყო აშშ-ის ელჩი ჩინეთში, რვა წლის განმავლობაში მუშაობდა აშშ-ის ვიცე-პრეზიდენტად. ჯორჯ ბუში უფროსი ამერიკის შეერთებულ შტატებს ცივი ომის პერიოდში მართავდა. მან დიდი წვლილი შეიტანა ამ ომის დასრულებაში.

სტუმარი: ალექსი პეტრიაშვილი, BMG საერთაშორისო მიმომხილველი


05.12.2018