ნარინჯისფერი რთველი დასასრულს უახლოვდება. ბოლო მონაცემებით, ექსპორტზე 8 600 ტონა მანდარინი გავიდა, რაც გასული წლის ანალოგიური პერიოდის მაჩვენებელს 2300 ტონით აღემატება. გარემოს დაცვისა და სოფლის მეურნეობის სამინისტროს ინფორმაციით წლევანდელი მოსავალი ერთ-ერთი საუკეთესოა, რაც ექსპორტის მეტ შესაძლებლობას იძლევა. ძირითად საექსპორტო ქვეყნებად კვლავ რუსეთი და უკრაინა, ასევე ლატვია, სომხეთი, ყირგიზეთი და ყაზახეთი რჩება. 1თ კლიოგრამ მანდარინზე საბითუმო ფასი 50-დან 80 თეთრამდე მერყეობს. აღსანიშნავია რომ მიმდინარეობს არასტანდარტული მანდარინის სუბსიდირების პროგრამაც. აჭარის მთავრობის გადაწყვეტილებით, სამრეწველო გადამუშავებისთვის განკუთვნილ 1თ კილოგრამ მანდარინზე თანადაფინანსება 10 თეთრია.