რა საფრთხის წინაშე დგანან უფლებადამცველები საქართველოში და რა მექანიზმები არსებობს მათ დასაცავად - ამ საკითხებზე მსჯელობას ეძღვნება ღონისძიება, რომლითაც საქართველოში პირველად უფლებადამცველების საერთაშორისო დღე აღინიშნება. ღონისძიების მონაწილეები მთავარ პრობლემად უფლებადამცველ ორგანიზაციებსა და სამოქალაქო აქტივისტებზე გახშირებულ თავდასხმას ასახელებენ და აცხადებენ, რომ საარჩევნო პერიოდში მათი სამუშაო გარემო მნიშვნელოვნად გაუარესდა. არასამთავრობო სექტორისა და სახელმწიფო სტრუქტურების წარმომადგენლებმა შეხვედრაზე, ასევე, ისაუბრეს უფლებადამცველების განსაკუთრებულ როლზე ქვეყნის დემოკრატიული განვითარების პროცესში.