საქართველოს ახალგაზრდა იურისტთა ასოციაციის თავმჯდომარის, სულხან სალაძის განცხადებით, შეკრებისა და მანიფესტაციის უფლებასთან დაკავშირებით, 2018 წელს გარკვეული გამოწვევები იყო. ამის შესახებ სულხან სალაძემ საია-ს 2018 წელს ადამიანის უფლებათა დაცვასთან დაკავშირებით შემაჯამებელი ანგარიშის შეფასებისას განაცხადა.

სულხან სალაძემ ყურადღება გაამახვილა ზაზა სარალიძისა და მალხაზ მაჩალიკაშვილის შემთხვევაზე, როდესაც მათ კარვის გაშლის უფლება არ მისცეს და ხაზი გაუსვა 17 მაისის მოვლენებს, როდესაც ლგბტ თემმა უსაფრთხოების საკითხის გამო მანიფესტაციის ჩატარებაზე უარი თქვა. ამასთან, სულხან სალაძის შეფასებით, შემაშფოთებელი იყო საკონსტიტუციო სასამართლოსთან დაკავშირებით გაკეთებული განცხადებები.

შემაჯამებელ ანგარიშში, საქართველოს ახალგაზრდა იურისტთა ასოციაციამ დაახლოებით 20-მდე საკითხი შეაფასა.
ეწვიეთ ჩვენს საიტს - https://1tv.ge/
მოიწონეთ ჩვენი გვერდი - https://www.facebook.com/pg/1stchannel/
გამოიწერეთ ჩვენი არხი - https://www.youtube.com/user/GeorgianPB/
ვიდეო წარმოადგენს საზოგადოებრივი მაუწყებლის საკუთრებას.
მისი გავრცელება შეგიძლიათ მხოლოდ ბმულის გაზიარებით.
დაუშვებელია მასალის ჩამოტვირთვა და სხვაგან ატვირთვა,
ამ შემთხვევაში მაუწყებელი უფლებას იტოვებს მიმართოს შესაბამის ზომებს.