ზუგდიდის მე-6 საჯარო სკოლის დირექტორის, ია კერზაიას გარდაცვალების ფაქტს უმრავლესობის წევრები ეხმაურებიან. მმართველი გუნდის წარმომადგენლები ოჯახს უსამძიმრებენ. პარლამენტის თავმჯდომარე მიიჩნევს, რომ აღნიშნულ საქმესთან დაკავშირებით, ოჯახის კითხვებს პასუხი უნდა გაეცეს. როგორც პარლამენტის იურიდიულ საკითხთა კომიტეტის თავმჯდომარე, ეკა ბესელია ამბობს, ის ამ საქმეს არ იცნობს, თუმცა განმარტავს, რომ თუკი რაიმე დარღვევას ჰქონდა ადგილი, ეს შესაბამისმა ორგანოებმა უნდა გამოიძიონ. ზუგდიდის მე-6 საჯარო სკოლის დირექტორი, ია კერზაია გუშინ გარდაიცვალა. ის კვირაზე მეტ ხანს საავადმყოფოში ინსულტის დიაგნოზით, მძიმე მდგომარეობაში იმყოფებოდა, თუმცა ექიმებმა მისი გადარჩენა ვერ შეძლეს.

0000000

განათლების მინისტრის მოადგილე ლევან ხარატიშვილი სამინიტროს სახელით ია კერზაიას გარდაცვალების გამო მწუხარებას გამოთქვამს. ხარატიშვილი ამბობს, რომ სამინისტრო კატეგორიულად ემიჯნება პროცესის პოლიტიზირებას, რადგან განათლების სისტემაში პოლიტიკის ადგილი არ არის. მინისტრის მოადგილის თქმით, სკოლების შემოწმება ჩვეულებრივი პროცესია, რომელიც განათლების სისტემაში სტანდარტების ამაღლებას ემსახურება. ლევან ხარატიშვილი ამბობს, რომ განათლების სამინისტრო მზად არის, გამოძიებასთან ითანამშრომლოს. რაც შეეხება საკანონმდებლო ორგანოში მინისტრის დაბარების საკითხს, მინისტრის მოადგილის განცხადებით, მინისტრს ოფიციალური შეტყობინება არ მიუღია.

სინქქქ

საპარლამენტო უმცირესობა განათლების მინისტრის გადადგომას, ასევე, ია კერზაიას საქმეში მონაწილე სამინისტროს ყველა თანამშრომლის გათავისუფლებასა და გამოძიების სასწრაფოდ დაწყებას. საპარლამენტო უმრავლესობის შეფასებით კი, ამ ეტაპზე მინისტრის საკანონმდებლო ორგანოში დაბარება სპეკულაციაა, რომელსაც ოპოზიცია მიმართავს. კანონმდებლები ამბობს, რომ ახლა მთავარია, საქმე დროულად გამოიძიონ.

სინქქქ

ზუგდიდის მე6 სკოლის დირექტორი ია კერზაია ინსულტის დიაგნოზით ქუთაისის ინტერვენციული მედიცინის კლინიკაში გარდაიცვალა. კერზაიას შვილი ბაჩანა შენგელია მომხდარს პოლიტიკურ ზეწოლას უკავშირებს, რომელსაც მისივე მტკიცებით, ია კერზაია ხელისუფლებისგან განიცდიდა.