ქობულეთში, სანაპიროსთან ახლოს, მოქალაქეებმა დიდი ზომის წავი იპოვეს, რომელიც "გიგანტური ვირთხა" ეგონათ და მაშველები გამოიძახეს.

112-ში შესული უცნაური შეტყობინების შემდეგ, ადგილზე პოლიციის ეკიპაჟი და მაშველები მივიდნენ, რომლებსაც ამოუცნობი ცხოველის ნაცვლად, წავი დახვდათ.

არსებული ინფორმაციით, სამაშველო სამსახურის თანამშრომლებმა წავი აიყვანეს და ახლომდებარე ტყეში გაუშვეს.

წავი საქართველოში წითელ ნუსხაშია შეტანილი, როგორც - გადაშენების პირას მყოფი სახეობა.