ახალგაზრდების დასაქმება, მთელი მსოფლიოსთვის, განსაკუთრებით კი პოსტსაბჭოთა ქვეყნებისათვის, უმნიშვნელოვანესი გამოწვევაა. ოფიციალური მონაცემებით, საქართველოს შრომისუნარიანი ასაკის მოსახლეობაში ყველაზე მაღალი უმუშევრობის დონე სწორედ ახალგაზრდებში ფიქსირდება და ის 30% ს აჭარბებში. პრობლემა არა მხოლოდ კონკრეტულად სეგმენტურად არის მნიშვნელოვანი, არამედ ეს უარყოფითად აისახება ქვეყნის ეკონომიკის ზრდის შესაძლებლობაზეც.
ამ გამოწვევაზე საპასუხოდ რამდენიმე დღის წინ ადვოკატირების ფორუმი "მეწარმეობა და დასაქმების შესაძლებლობები ახალგაზრდებისთვის" განათლების განვითარებისა და დასაქმების ცენტრის ორგანიზებით გაიმართა. მისი მთავარი მიზანი ახალგაზრდებისთვის დასაქმებისა და თვითდასაქმების პერსპექტივების განხილვა იყო.

ახალგაზრდების დასაქმების პრობლემა საკმაოდ მწვავედ დგას და მიუხედავად იმისა, რომ ყოველწლიურად უმაღლეს სასწავლებლებში დაახლოვებით 35 დან 40 ათასამდე ახალგაზრდა აგრძელებს სწავლას არსებული ან მომავალი კვალიფიკაციის შესაბამისი სამუშაოს მოძიება მარტივი არ არის. ცალკე გამოწვევაა ე.წ სტუდენტური სამუშაოები და ის პირობები, რომელიც პროფესიულ გამოცდილებას არის მოკლებული უმეტეს შემთხვევაში და მხოლოდ მინიმალური შემოსავლის მიღების შესაძლებლობაა.


სტუმრები: ლიკა კილაძე - განათლების განვითარების და დასაქმების ცენტრის გამგეობის თავმჯდომარე;
თათია გოგოლაძე - შიდა ქართლის სამეწარმეო სკოლის მონაწილე