“სასწრაფოდ განხორციელდეს საქართველოს მთავრობის 2019 წლის 5 ნოემბრის 520-ე დადგენილების ამოქმედების გადავადება მინიმუმ ექვსი თვით, იმისათვის რომ მოხდეს ყველა ამ საკითხის განხილვა და ისეთი ტარიფების დამტკიცება, რომელიც რეალურად ასახავს დღევანდელ საფინანსო ეკონომიკურ პარამეტრებს.

წინამდებარე წერილში აღნიშნული საკითხების გაუთვალისწინებლობას ჩვენი აზრით მოჰყვება პაციენტებზე სამედიცინო მომსახურების ხარისხის უკიდურესად გაუარესება, მათი უფლებების დარღვევა, ასევე გამოიწვევს მთლიანად დარგის კოლაბირებას და ქვეყნიდან ისედაც მცირერიცხოვანი წამყვანი მაღალკვალიფიციური და ახალგაზრდა კადრების საზღვარგარეთ გადინებას", - ეს არის იმ წერილის მთავარი დასკვნა, რომელსაც ხელს 26 სამედიცინო დაწესებულება აწერს და რომლის ადრესატიც საქართველოს პრემიერმინისტრი გიორგი გახარიაა.

წერილში მოყვანილია კონკრეტული რიცხვები და ეკონომიკური ტენდენციები, რომელთა ტარიფების გაანგარიშებაში გათვალისწინებასაც ეს კლინიკები მოითხოვენ.


სტუმრები: ანზორ მელია - კლინიკა გული; დამფუძნებელი
სანდრო ურუშაძე - ჯანდაცვის ყოფილი მინისტრი