საქართველოს მთავრობამ ე.წ. პუტინის ავიასანქციების შემდეგ, ტურიზმის სექტორის დასახმარებლად, მცირე სასტუმროების საბანკო სესხების პროცენტის თანადაფინანსების შესახებ ჯერ კიდევ ივლისში განაცხადა. ეკონომიკის და მდგრადი განვითარების მინისტრი ნათია თურნავა მაშინ აცხადებდა, რომ რუსეთის მიერ ამოქმედებული სანქციების შედეგად ყველაზე მეტად სწორედ ტურიზმის ინდუსტრია დაზარალდა და სპეციალური პროგრამა - „თანადაფინანსების მექანიზმი მცირე და საოჯახო სასტუმრო ინდუსტრიის ხელშეწყობისთვის“ სწორედ ამ მიზნით შეიქმნა. პროგრამაში მონაწილეობისთვის განაცხადების შეტანა სექტემბრიდან 15 ნოემბრის ჩათვლით იყო შესაძლებელი. ვინ შეძლო სარგებლობა აღნიშნული ინიციატივით?