მსოფლიოს უმდიდერსმა ადამიანმა უსახლკაროების დასახმარებლად 98.5 მილიონი დოლარი გაიღო. ჯეფ ბეზოსი, მსოფლიოს უმდიდრესი ადამიანი, აცხადებს, რომ 98.5 მილიონი დოლარი შესწირა 32 ორგანიზაციას, რომლებიც უსახლკაროებს ეხმარებიან. თითოეულმა ორგანიზაციამ 1.25 მილიონიდან 5 მილიონ დოლარამდე მიიღო. ფორბსი წერდა, ამაზონის დამფუძნებელმა გასულ წელსაც გააკეთა იგივე და 97 მილიონი აშშ დოლარი შესწირა 24 ორგანიზაციას, რომლებიც უსახლკაროების თემაზე მუშაობენ.
ვინ არიან ადამიანები მსოფლიოს გარშემო, რომლებიც ქველმოქმედებაში დებენ ფულს და რეალურად ეხმარებიან ადამიანებს - ამის გასარკვევად, ამერიკულმა ფორბსმა 2018 წლის ანგარიშები დაითვალა და ის მილიარდერი-ფილანტროპები გააერთიანა, რომლებიც ამ მიზნით ყველაზე მეტ თანხას აბანდებენ. როგორ გამოიყურება მილიარდერების რეალური საჩუქრები და რამდენს ხარჯავენ ისინი ადამიანების დასახმარებლად?

მარიამ ადამია - “საქმიანი დილა”, რეპორტიორი