წელს პირველად, მსოფლიო ბანკისა და ბუღალტრული აღრიცხვის, ანგარიშგებისა და აუდიტის რეფორმების მხარდაჭერის ეროვნული ფონდის თანამშრომლობით, ევროკავშირისა და მსოფლიო ბანკის ერთობლივი პროექტის ფარგლებში - ფინანსური ჩართულობისა და ანგარიშვალდებულების დაჯილდოვება შედგა. „საუკეთესო წლიური ანგარიშის და გამჭვირვალობის ჯილდოს” 3 მფლობელი 16 ნომინანტიდან 3 კატეგორიაში სპეციალურმა ჟიურიმ შეარჩია. ძალიან საინტერესო კომპანიები იყვნენ ერთგვარ კონკურენციაში და სულ რამდენიმე წამში ერთ ერთი გამარჯვებული კომპანიის წარმომადგენლებთან საუბრის შესაძლებლობა გვექნება, თუმცა იქამდე მოკლედ იმ რეფორმაზე, რომლის საფუძველზეც ეს დაჯილდოვება შეიქმნა.

„საუკეთესო წლიური ანგარიშის და გამჭვირვალობის ჯილდო“ წლიური ანგარიშგების ახალი კულტურის მხარდამჭერი პირველი ჯილდოა და ის საქართველოს საფონდო ბირჟაზე სავაჭრო სისტემაში დაშვებულ კომპანიებს შორის, საუკეთესო საერთაშორისო პრაქტიკის მიხედვით წარმოებული ფინანსური და მმართველობის ანგარიშგების წარმდგენ კომპანიებს გადაეცემათ. ეს ჯილდო კი ხელს უწყობს კაპიტალის ბაზრის განვითარებისთვის უმნიშვნელოვან ფაქტორებს შორის და ეს არის: კომპანიების გამჭვირვალობა, სწრაფვა კორპორატიული მართვისკენ და რაც მთავარია, პასუხისმგებლიან მმართველობას, რაც თავის მხრივ ქვეყნის საინვესტიციო გარემოს სტაბილურობისა და შეუქცევადი განვითარების გარანტია. კომპანიების ფინანსური გამჭვირვალობას და ანგარიშვალდებულების ასეთი ხარისხი სულ სხვა რეალობას ქმნის ინვესტორებისათვის, რომ აღარაფერი ვთქვათ უკვე არსებულ პარტნიორებზე.



სტუმრები: ნესტან მიქელაძე - "საქართველოს სალიზინგო კომპანია", ფინანსური დირექტორი;
გიორგი ჯღარკავა - "საქართველოს სალიზინგო კომპანია", გენერალური დირექტორის მოადგილე




#ახალიამბები #BusinessMediaGeorgia