შუახევი ჰესის სატესტო ოპერირებაში შესვლა უკვე დღეებს ითვლის, შესაბამისად განსაკუთრებით დიდია ინტერესი ენგურის შემდგომ სიდიდით მეორე, ქვეყნისთვის უმნიშვნელოვანესი ენერგო პროექტის მიმართ. ჩვენს ხელთ არსებული ინფორმაციით, პროექტმა ყველა ტექნიკური გამოწვევა წარმატებით გადალახა და 2020 წელს, 187 მგვტ სიმძლავრის შუახევი ჰესი ენერგო სისტემას სრული დატვირთვით შეუერთდება.

გარდა იმისა რომ შუახევიჰესი, ქვეყნის უმსხვილესი ენერგო პროექტია და მისი მნიშვნელობა დიდია ქართული ენერგო სისტემისთვის, შუახევიჰესის პროექტი კვლავ ლიდერად რჩება ენერგო სექტორში სოციალური პროექტების დაგეგმვისა და განხორციელების მიმართულებით. კომპანიას სოციალური პასუხისმგებლობის კუთხით უკვე დახარჯული აქვს 8 მილიონი ლარი, ყველა პროექტის მთავარი მიზანი რაც კი პროექტის ფარგლებში განხორციელებულა, რეგიონის გრძელვადიან განვითარებაზე იყო ორიენტირებული. რეგიონის საჭიროებიდან გამომიდნარე სოციალური პროექტების მთავარ მიმართულებად განისაზღვრა: განათლების მხარდაჭერა, ცნობიერების ამაღლება და მცირე ბიზნესის ხელშეწყობა. პროექტს წამყვანი ფინანსური ინსტიტუტები აფინანსებენ და შესაბამისად სოციალური პროექტებიც მათი სტანდარტების შესაბამისად ხორციელდება.

ამავდროულად, შუახევიჰესის პროექტი წარმოადგენს საუეთესო მაგალითს სამართლიანი კომპენსაციების გაცემის კუთხით. შუახევიჰესმა შექმნა ენერგო სექტორში პირველი პრეცენდენტი, როცა მიწის მფლობელმა და მიწის მოსარგებლემ ერთნაირი კომპენსაცია მიიღო.

სტუმრები: გიორგი ლაკირბაია - "აჭარისწყალი ჯორჯია", ინჟინერი;
ზვიად დიასამიძე - "აჭარისწყალი ჯორჯია", სოციალური დირექტორი

#ახალიამბები #BusinessMediaGeorgia