“მგზავრთა გადაყვანაში რეკორდული მაჩვენებლები გვაქვს. წელს საქართველოს რკინიგზის საშუალებით 3 მილიონზე მეტი მგზავრი გადავიყვანეთ”,- ამბობს საქართველოს რკინიგზის გენერალური დირექტორი დავით ფერაძე. საქართველოს რკინიგზამ 2018 წელს, დაახლოებით, 2.8 მლნ. მგზავრი გადაიყვანა. 2019 წელს ეს მონაცემი დაახლოებით, 7%-ით გაიზარდა. გადაყვანილ მგზავრთა რაოდენობის რეკორდული მაჩვენებლის მიღწევის შედეგად, საქართველოს რკინიგზამ მგზავრთა გადაყვანიდან მიღებული შემოსავლის მაქსიმუმს მიაღწია. 2019 წელს ეს შემოსავალი 31 მლნ ლარამდე გაიზარდა მაშინ, როდესაც 2018 წელს ეს მაჩვენებელი 27 მლნ იყო.

დავით ფერაძე - “საქართველოს რკინიგზა”, გენერალური დირექტორი

#ახალიამბები #BusinessMediaGeorgia