წყალტუბოს კურორტის განვითარების პროექტის ფარგლებში, ძველი სანატორიუმების აღდგენა დაიწყო. ამის შესახებ „საპარტნიორო ფონდის“ აღმასრულებელმა დირექტორმა დავით საგანელიძემ TV „იმედთან“ ისაუბრა. „მოსამზადებელი სამუშაოები უკვე დაწყებულია . ამჟამად ფონდი წყალტუბოში სამედიცინო ტურიზმის განვითარების მიმართულებით, ინვესტორებისთვის საინვესტიციო პაკეტის მოსამზადებლად მუშაობს. საკომუნიკაციო სამუშაოები უკვე დასრულებულია; აშენდა რამდენიმე სასტუმრო, თუმცა, აუცილებელია ძველი სანატორიუმების რეაბილიტაცია დაიწყოს"- განაცხადა დავით საგანელიძემ.