„საპარტნიორო ფონდის“ დელეგაციამ ფონდის აღმასრულებელი დირექტორის დავით საგანელიძის ხელმძღვანელობით, შანხაიში ოფიციალური ვიზიტის ფარგლებში, ჩინეთის სახალხო რესპუბლიკის პრეზიდენტის სი ძინპინის მიერ ინიცირებულ ჩინეთის საერთაშორისო იმპორტის გამოფენაზე მიიღო მონაწილეობა.
დავით საგანელიძე მსოფლიოს სხვადასხვა ქვეყნის ლიდერებთან და მთავრობების წარმომადგენლებთან ერთად ჩინეთის საერთაშორისო იმპორტის გამოფენის ოფიციალურ გახსნას დაესწრო და მის ფარგლებში გამართულ სესიაზე სახელწოდებით, „მსოფლიო სავაჭრო ორგანიზაციის რეფორმები და თავისუფალი სავაჭრო შეთანხმებები: ხედვა და პერსპექტივები“, დამსწრე საზოგადოებას სიტყვით მიმართა.

ვრცლად: http://fund.ge/site/news/567