#ახალიამბები მაღალმთიანი აჭარიდან ქვემო ქართლში გადასახლებული ძირკვაძეების ოჯახი წლებია წალკის მუნიციპალიტეტის სოფელ გუმბათში ცხოვრობს და ადგილობრივების განათლების დონის ამაღლებაზე ზრუნავს. 24 წლის ირა ძირკვაძეც მშობლების კვალს გაყვა და პროფესიად პედაგოგობა აირჩია. დედაქალაქში მიღებული უმაღლესი განათლებით სოფელში დაბრუნებულს საჯარო სკოლაში მასწავლებლობა შესთავაზეს. როგორც "რეგიონულ კვირას" უყვება, დამკვიდრებული სტერეოტიპების გამო, თავდაპირველად თავს იკავებდა, თუმცა საბოლოოდ საკუთარი მიზნების მიღწევა პრიორიტეტულად აქცია და ცოტა ხნის წინ სასწავლო ცენტრიც გახსნა.