ზუსტად სამი დღის წინ ბიემჯი-ს ანალიტიკოსმა შოთა ტყეშელაშვილმა დიდი ამბავი გახეთქა - კერძოდ, აღმოაჩინა, რომ სებ-ში საპენსიო სააგენტოს მიერ განთავსებული თანხა ერთ დღეში 236 მილიონი ლარით შემცირდა. თავად საპენსიო ფონდის მთლიანი მოცულობა არ შემცირებულა - საუბარია საპენსიო ფონდის თანხის შიდა გადაჯგუფებაზე.

ამ ინფორმაციის გავრცელების შემდეგ, საპენსიო სააგენტომ ბიემჯი-ს უპასუხა, რომ გასული თვის განმავლობაში, საპენსიო სააგენტოს საინვესტიციო საბჭომ ფონდში აკუმულირებული თანხების ინვესტირების დაწყების გადაწყვეტილება მიიღო და კომერციულ ბანკებსა და სებ-ში არსებულ ანგარიშებზე არსებული თანხიდან - 560 მილიონი ლარი სადეპოზიტო სერთიფიკატებში განთავსდა.

მიუხედავად იმისა, რომ ბიემჯი მთელი ამ დღეების განმავლობაში გამუდმებით ითხოვდა მეტ ინფორმაციას, თუ კონკრეტულად სად წავიდა ეს ფული - სახელმწიფო საპენსიო სააგენტოს საინვესტიციო საბჭომ განცხადება მხოლოდ დღეს გაავრცელა და განმარტა, რომ თანხა შვიდ კომერციულ ბანკში გადაანაწილეს.


#ახალიამბები #BusinessMediaGeorgia