პრემიერმა დღეს რამდენიმე კვირის წინ მთავრობის ეკონომიკური გუნდისთვის მიცემული დავალების ჩაბარება მოითხოვა. საქმე არსებული გლობალური გამოწვევების საპასუხოდ ეკონომიკის სტიმულირების გეგმას შეეხება, რომელზეც ეკონომიკური ბლოკი და ეროვნული ბანკი მუშაობენ. მთავრობის სხდომის შემდეგ გეგმის დეტალებზე საუბრისგან ეკონომიკის და ფინანსთა მინისტრებმა თავი შეიკავეს, მაგრამ ირწმუნებიან, რომ გეგმა იქნება კომპლექსური. „ყველაფერი დაიწყო ტურიზმის ინდუსტრიის წახალისების ღონისძიებებზე მუშაობით, მაგრამ დღეს რასაც ჩვენ ვხედავთ გლობალური სურათიდან გამომდინარე, უნდა შევიმუშავოთ უფრო კომპლექსური გეგმა. ეს მოიცავს არა მხოლოდ ტურიზმის, არამედ მთლიანად ბიზნესის სტიმულირებას“, - განაცხადა ეკონომიკის მინისტრმა. რა შეიძლება შეცვალოს საქართველოს ეკონომიკაში კორონავირუსის რეჟიმმა?


#ახალიამბები #BusinessMediaGeorgia