საქართველოში დამზადებული 12-შრიანი პირბადე COVID-19-ის შემცველ შხეფებს არ ატარებს, - ამის შესახებ ნათქვამია დაავადებათა კონტროლის ეროვნული ცენტრის დოკუმენტში,რომელიც პარასკევს საღამოს BMG-მ მოიპოვა ეკონომიკის სამინისტროსგან. დოკუმენტის მიხედვით, NCDC-იმ აღნიშნული პირბადის სამ ნიმუშზე ჩაატარა ცდა, აქედან ერთი 8-შრიანი, ერთი - 10-შრიანი, ერთი კი 12-შრიანი იყო. ტესტირების პროტოკოლიდან ირკვევა, რომ პირბადის დამცავი ფუნქცია შხეფებისადმი მედეგობაში მდგომარეობს. შესაბამისად, მისი ეფექტიანობის შემოწმების დროს ტესტირების მიზანი იყო ატარებდა თუ არა პირბადე ჰაერში არსებულ წვეთოვან ნაწილაკებს, თუმცა, ტესტირების შედეგებში მითითებულია, რომ ეს პირბადეები "არასტანდარტული" კატეგორიის არის. ეკონომიკის სამინისტროს ინფორმაციითვე: ამ დროისთვის საყოფაცხოვრებო დანიშნულების 1 მილიონამდე 12-შრიანი პირბადე ქვეყნის 4 მსხვილ სააფთიაქო ქსელს უკვე მიეწოდა. დღეს საქართველოში დოლბანდისგან 12-შრიან პირბადეს 9 საწარმო ამზადებს. ამ დროისთვის უკვე შეკერილია 1,750,000 ცალი პირბადე.თემაში აქტიურად იყო ჩართული სააგენტო აწარმოე საქართველოში.

სტუმარი: მიხეილ ხიდურელი - სააგენტო “აწარმოე საქართელოში” დირექტორი


#ახალიამბები #BusinessMediaGeorgia