https://www.facebook.com/tvpirveli/

ტეგები: #ტვპირველი #ტელევიზია #სიახლეები #ახალიამბები

ევროპის ქვეყნების ნაწილი კორონავირუსის გავრცელების პრევენციის ზომების გამარტივებას იწყებს, მიუხედავად ჯანდაცვის მსოფლიო ორგანიზაციის გაფრთხილებისა, რომ ზომების შემსუბუქებამ შესაძლოა კორონავირუსის განმეორებითი ტალღა გამოიწვიოს
➡ დღეიდან გერმანიაში პატარა მაღაზიები გაიხსნება, ასევე სწავლა განახლდება დამამთავრებელ კლასებში. მიუხედავად კონკრეტული შეზღუდვების მოხსნისა, მთავრობა მოქალაქეებისგან მკაცრად ითხოვს სოციალური დისტანციის დაცვას ვირუსის მეორე ტალღის თავიდან ასარიდებლად
➡ ჩეხეთში იხსნება ფერმერთა მაღაზიები, ღია ბაზრობები და 12 მარტის შემდეგ პირველად მუშაობას იწყებს მცირე ბიზნესის ნაწილი. დღეს მთავრობა სამგზავრო შეზღუდვების მოხსნასაც განიხილავს. საგარეო საქმეთა მინისტრი ასევე ამბობს, რომ შენგენის ზონის საზღვრები კოორდინირებულად უნდა გაიხსნას, მეზობელი ქვეყნების მდგომარეობის გათვალისწინებით.
➡ დღეიდან, პოლონეთში პარკები და ტყეები გაიხსნება
➡ ნორვეგიაში საბავშვო ბაღები განაახლებენ მუშაობას
➡ ალბანეთში სამთო და ნავთობის მრეწველობის აღდგენა დაიწყება
➡ ავსტრია მოწინავეა იმ ქვეყნებს შორის ვინც შეზღუდვებს ამსუბუქებს
➡ ესპანეთში მომავალი კვირიდან ბავშვებს გარეთ გასვლის უფლებას მისცემენ, თუმცა მცირე დროით. ქვეყანაში კორონავირუსით 20 ათასზე მეტი ადამიანია გარდაცვლილი
➡ იტალიაში ვირუსით დაღუპულთა რიცხვი 23 ათასს აჭარბებს. ქვეყანა მხოლოდ მაღაზიების ნაწილს ხსნის
➡ საფრანგეთში 11 მაისამდეა საგანგებო მდგომარეობა და კარანტინის რეჟიმი. კორონავირუსის გავრცელების კუთხით ქვეყანაში მდგომარეობა ნელ-ნელა უმჯობესდება, თუმცა დასასრულამდე ჯერ კიდევ შორია. საფრანგეთში კორონავირუსით გარდაცვლილთა რაოდენობა 20 ათასს უახლოვდება
➡ შვედეთმა არ დაკეტა სკოლები, არ აკრძალა ორ ადამიანზე მეტის შეკრება და არ ჩაკეტა საზღვრები. კორონავირუსთან ბრძოლის პრინციპს დანარჩენ მსოფლიოსთან ერთი საერთო აქვს, სახლში დარჩენა