Russian agents in Georgia: Sandro Bregadze and Russian senator Igor Morozov conversation

რუსეთის აგენტები საქართველოში: სანდრო ბრეგაძის და რუსი სენატორის იგორ მოროზოვის საუბარი

YouTube-ზე "ქართული მარშის" ლიდერის სანდრო ბრეგაძისა და რუსეთის ფედერაციის დეპუტატის, დაზვერვის ოფიცრის, იგორ მოროზოვის სატელეფონო ჩანაწერი ქვეყნდება. აღნიშნულ ჩანაწერში მოროზივი ბრეგაძეს ავალებს მოიძიოს შესაბამისი ინფორმაცია და მოამზადოს სიტუაციური ანალიზი იმისთვის, რომ საქართველოს ბაზარზე პროპანის გაზის ბიზნესი წამოიწყონ.

სატელეფონო საუბრიდან იკვეთება, რომ ბრეგაძესა და მოროზოვს დიდი ხნის ნაცნობობა აკავშირებთ. მოროზოვის თქმით, მან, თავის პარტნიორებს უკვე აცნობა რომ რუსული ბიზნესის კურატორად საქართველოში ბრეგაძის გარდა სხვა კანდიდატი არ განიხილება. მოროზოვი აიმედებს, რომ მას სერიოზული შანსი ეძლევა "ორი კაპიკი" იშოვოს.

გახარებული ბრეგაძე იგორ ნიკოლაევიჩს განსკუთრებულ მადლობას უხდის და თავის მხრივ პირდება, რომ უკვე დაიწყებს მიღებული დავალების შესრულებას. პრორუსული მოძრაობა "ქართული მარშის" ლიდერი ბოლო პერიოდში პოლიტიკაში დაბრუნებას აპირებდა. ამისთვის მან თავის გარშემო კრემლისადმი ლოიალურად განწყობილი ადამიანები შემოიკრიბა (ერმილე ნემსაძე და სხვები) და პარტიის ოფისები თბილისსში, ქუთაისში და სხვა რეგიონებშიც გახსნა.

ჩანაწერი მიმდინარე წლის 16 აპრილს არის გაკეთებული და ის ინტერნეტში CYBER KMARA-მ გაავრცელა (https://bit.ly/3kzazYz)