ეკონომიკურ პარტნიორებში ვირუსის გავრცელების დინამიკა შერეულია, ამასთან, საქართველოში შეზღუდვების ფონზე ეპიდემიოლოგიური სიტუაცია უმჯობესდება - ამ რეალობაში თიბისი კაპიტალი წლის შემაჯამებელ მაკროსექტორულ ანგარიშში ტურისტული შემოდინების პროგნოზს აუარესებს, თუმცა წერს, რომ საბაზო სცენარით, 2021 წელს 4.6%-იანი აღდგენის შემდეგ, 2022 წელს საკმაოდ მაღალი, 7.4%-იანი, ზრდაა მოსალოდნელი. ოთარ ნადარაიამ საქმიან დილაშიც თქვა, რომ ფისკალური სტიმული 2021 წელსაც მნიშვნელოვანი იქნება და თუ ლარის ეფექტური კურსის დაახლოვებით არსებულ დონეზე შენარჩუნდება, მაშინ მომავალი წლის პირველ ნახევარში ინფლაცია 6% იიან ნიშნულს მაინც გადააჭარბებს და წლის ბოლოს 4-5%-ის ფარგლებში იქნება. ამ მოცემულობაში ეკონომისტები რეფინანსირების განაკვეთის შემცირების შესაძლებლობას მხოლოდ 2021 წლის ბოლოს უშვებენ. საერთაშორისო სააქციო ბაზრებზე აღდგენის დინამიკა შეინიშნება, რასაც ვაქცინის გავრცელებასთან დაკავშირებული პოზიტური მოლოდინები განაპირობებს.

#ახალიამბები #BusinessMediaGeorgia