რუსეთში 30 წლის ცნობილი მოცეკვავე, ნატალია პრონინა შეკვეთილი მკვლელობის მსხვერპლი გახდა. გავრცელებული ინფორმაციით, მას ურთიერთობა ჰქონდა ერთ-ერთ ძალზე გავლენიან და მდიდარ პოლიტიკოსთან, რომელთან კავშირიც ჟურნალისტების აზრით, შესაძლოა იყოს მიზეზი მისი გარდაცვალებისა.

NEW YORK POST-ი აქვეყნებს მომხდარი ფაქტის ამსახველ ვიდეოს, სადაც ჩანს ის მომენტი, როდესაც ქალს ნიღბიანი დაქირავებული მკვლელი სახლის შესასვლელ კარებთან უახლოვდება და გულმკერდის არეში ორჯერ ესვრის, რომლის შემდეგაც იგი ადგილზე ტოვებს იარაღს და შემთხვევის ადგილიდან გარბის.

მიუხედავად თავდასხმის ვიდეომტკიცებულებისა, ეს არასკმარისი სამხილი აღმოჩნდა იმისათვის, რათა გამომძიებლებს დანაშაული გაეხსნათ. ნატალია პრონინა ცნობილი მოცეკვავეა, რომელსაც რამდენიმეჯერ მოგებული აქვს საერთაშორისო ცეკვების შეჯიბრებები, მათ შორის დიდ ბრიტანეთში.

გამოიწერეთ გვერდი