საქართველოს ეკონომიკა მეორე კვარტალში 13.2%-ით შემცირდა, მესამე კვარტალში კლება 5.6%-ია. შემცირებულია საგარეო ვაჭრობა. საქსტატის მონაცემებით 11 თვეში ექსპორტი 11%-ით შემცირდა, იმპორტი კი დაახლოებით 16%-ით, რისი მთავარი მიზეზიც საერთო მოთხოვნის კლებაა, რაც კოვიდ პანდემიის გამო შემცირებული მსყიდველუნარიანობით აიხსნება. კოვიდ-19-ის გავრცელებისა და საზღვრების ჩაკეტვის პარალელურად ტურიზმი პრაქტიკულად ნულოვან ნიშნულზეა. მესამე კვარტალში 24%-ით არის შემცირებული პირდაპირი უცხოური ინვესტიციები. პანდემიის გამო შემოსავლის გარეშე დარჩა 162 ათასზე მეტი დაქირავებით დასაქმებული. ეს ის მაჩვენებელია, რაც ოფიციალურად ჩანს, ამის მიღმა არიან თვითდასაქმებულები - ბოლო მონაცემებით 110 ათასი პირი, ასევე ადამიანები, რომლებიც ე.წ. ჩრდილოვანი ეკონომიკის ნაწილი არიან და ოფიციალურად არ ჩანან. რა შედეგებით ასრულებენ წელს საქართველოს უმსხვილეს ბიზნესასოციაციაში გაერთიანებული კომპანიები?

სტუმარი: სოსო ფხაკაძე - საქართველოს ბიზნესასოციაციის პრეზიდენტი, “ვისოლ ჯგუფის” პრეზიდენტი


#ახალიამბები #BusinessMediaGeorgia