ერთგულმა ძაღლმა საავადმყოფოს შესასვლელთან რამდენიმე დღე გაატარა- იგი თავის ავადმყოფ პატრონს ელოდებოდა, რომელიც მკურნალობდა. აღნიშნული ფაქტი თურქეთში, ქალაქ ტრაბზონში მოხდა- შინაური ცხოველი, სახელად ბონჩუკი საავადმყოფოში იმ სასწრაფო დახმარების მანქანას გამოყვა, რომელმაც თავისი პატრონი გადმოიყვანა. ძაღლი ყოველდღე სტუმრობდა სამედიცინო დაწესებულებას და პატრონის გამოსვლის მოლოდინში ატარებდა დროს. ამის შესახებ GUARDIAN-ი წერს.

ძაღლის პატრონის, ქემალ სენტურკის ქალიშვილის განცხადებით, მას ბონჩუკი სახლში მიჰყავდა, თუმცა მალევე საავადმყოფოში ბრუნდებოდა. საავადმყოფოს დაცვამ ადგილობრივ მედიასთან საუბარში განაცხადა: „ ის ყოველ დღე მოდის დილის 9 საათზე და დაღამებამდე ელოდება პატრონს. როდესაც კარი იღება, თავს ყოფს საავადმყოფოს შენობაში და ათვალიერებს შიდა ტერიტორიას.

ოთხშაბათს ბონჩუკმა რამდენიმე დღიანი ლოდინის შემდეგ იხილია თავისი პატრონი სენტურკი, რომელიც ეტლში იჯდა. „ ის ძალზე მიჩვეულია ჩემზე. მეც ყოველთვის ძალიან მენატრებოდა“ - განაცხადა ძაღლის პატრონმა. ბონჩუკი და სენტურკი ოთხშაბათს სახლში უვნებლად დაბრუნდნენ.

გამოიწერეთ გვერდი