რუსეთი ცეცხლის შეწყვეტის შესახებ შეთანხმებას არ ასრულებს და საერთაშორისო სამართლის ნორმებისა და სარკოზის შუამდგომლობით გაფორმებული შეთანხმების დარღვევას კვლავ განაგრძობს. ამის შესახებ რამდენიმე თვის წინ ვრცელი სტატია გამოქვეყნდა, სადაც საუბარი იყო საქართველოზე, რომელიც აგვისტოს ომიდან 12 წლის შემდეგაც რუსული აგრესიის წინაშე დგას, ხოლო მოსკოვი საქართველოს საერთაშორისოდ აღიარებული საზღვრების დარღვევას განაგრძობს. სტატიის ერთ-ერთი ავტორი თავდაცვისა და უსაფრთხოების კვლევების გაერთიანებული სამსახურების სამეფო ინსტიტუტის მკვლევარი, ნათია სესკურიაა, რომელიც პარალელურად ახალ თაობას ასწავლის და უნივერსიტეტში უძღვება რუსეთის პოლიტიკისა და მთავრობის კურსს. მას ნამუშევარი აქვს კვლევით პროექტებზე მსოფლიოს წამყვან ექსპერტებთან თავდაცვისა და უსაფრთხოების დარგში და რიგ სხვა მიმართულებებთან ერთად მუშაობს მსოფლიოში წამყვან, დედოფალ ელისაბედ II-ის პატრონაჟის ქვეშ არსებულ თავდაცვისა და უსაფრთხოების კვლევების გაერთიანებული სამსახურების სამეფო ინსტიტუტში. ამ საკმაოდ ვრცელი ჩამონათვალისა და რეგალიების პარალელურად ის #Forbes-ის 30 წლამდელთა სიის წევრია.

სტუმარი: ნათია სესკურია - თავდაცვისა და უსაფრთხოების კვლევების გაერთიანებული სამსახურების სამეფო ინსტიტუტი, მკვლევარი.

#ახალიამბები #BusinessMediaGeorgia