The Fast & Furious-ის მეცხრე ნაწილის კიდევ ერთი, ახალი ტრეილერი გამოვიდა. ფილმის გადაღებები სხვა ქვეყნებთან ერთად 2019 წელს საქართველოშიც მიმდინარეობდა და მისი პრემიერა პანდემიის გამო რამდენჯერმე გადაიდო.

ფორსაჟის ტრეილერში საქართველოში გადაღებულ ახალ კადრებს ვხედავთ. ახალ, 3-წუთიან ტრეილერში თბილისი პირველად 56-ე წამზე ჩნდება, ხოლო ახალ (და ასევე უკვე ნანახ) კადრებს 2 წუთიდან ვხედავთ. მძაფრსიუჟეტიანი ფილმის ახალ ტრეილერში რუსთაველის გამზირზე რბოლის სცენებია ასახული. ერთ კადრში "აბზრიალებულ" ქართულწარწერიან პატრულის მანქანებსაც ვხედავთ.

პროგრამა გადაიღე საქართველოს ფარგლებში UNIVERSAL-ის ფილმის გადაღებები 5 კვირის განმავლობაში, 18 აგვისტოდან 22 სექტემბრამდე, რუსთავში და თბილისის სხვადასხვა წერტილებში მიმდინარეობდა — მათ შორის ვაჟა-ფშაველაზე, ნუცუბიძეზე, რუსთაველსა და თავისუფლების მოედანზე. გადაღებების გამო ეს მონაკვეთები გადაკეტილი იყო.

ფორსაჟის მე-9 ნაწილის პრემიერა 25 ივნისს შედგება. პრემიერა ბოლო ცნობებით 9 მაისს იყო დაგეგმილი და ის კიდევ ერთხელ, და იმედია საბოლოოდ, შეიცვალა.

ნახეთ არქივიდან On.ge-ის ვიდეო მონტაჟი, რომელშიც თბილისში გადაღებული, უკვე მრავალჯერნანახი, კადრები ერთადაა თავმოყრილი:

გამოიწერეთ გვერდი