საქართველო მცირე და ამავე დროსღია ეკონომიკის ქვეყანაა, რაც იმას ნიშნავს ადგილობრივ მოხმარებაში მხოლოდ ადგილობრივი წარმოების პროდუქცია არ არის. ჩვენი ქვეყნის სავაჭრო ბრუნვა ბოლო ათი წლის მანძილზე მთლიანი ეკონომიკის საშუალოდ 98.5%-ია, რითაც 200 ეკონომიკურ ერთეულს შორის 72-ე ადგილს იკავებს და რეგიონის ქვეყნებიდან ყველაზე მეტად ღია ეკონომიკის სტატუსს ფლობს. ამიტომაც სავაჭრო მონაცემები ყოველთვის საყურადღებო და საინტერესოა მით უფრო რომ სავაჭრო დისბალანსი ექსპორტსა და იმპორტს შორის მნიშვნელოვანდ განსხვავებულია.
19.6%-იანი ზრდა ექსპორტში და 10.1%-იანი ზრდა იმპორტში - საქსტატმა საგარეო ვაჭრობის მონაცემები გამოაქვეყნა, რომლის თანახმად, წლის პირველ ოთხ თვეში საქართველომ ექსპორტისგან მილიარდ 199 მლნ დოლარის შემოსავალი მიიღო, ხოლო იმპორტისთვის ქვეყნიდან 2 მლრდ 730 მლნ დოლარი გავიდა.
ჯამში საგარეო სავაჭრო ბრუნვამ 3 მლრდ 929 მლნ. აშშ დოლარი შეადგინა, რაც წინა წლის შესაბამის პერიოდთან შედარებით 12.8 პროცენტით მეტია. სავაჭრო პარტნიორ ქვეყნებს თუ დავაჯგუფებთ, ვნახავთ, რომ როგორც იმპორტში, ისე ექსპორტში ლიდერი არის დსთ-ის ქვეყნები. კერძოდ, უშუალოდ ექსპორტში დსთ-ის წილი 44.5%-ია, ხოლო ევროკავშირის წილი კი - 17.7%.


სტუმარი: ალექსანდრე ძნელაძე - საქართველოს საბანკო ასოციაციის პრეზიდენტი.


#ახალიამბები #BusinessMediaGeorgia