დაავადებათა კონტროლის ცენტრში ამბობენ და სტატისტიკაც ნათლად აჩვენებს, რომ ქვეყანაში ეპიდემიოლოგიური სურათი უარესობისკენ იცვლება. ივნისის ბოლოდან მოყოლებული, ქვეყანაში ინფიცირების ყოველდღიური მაჩვენებელი სტაბილურად, 1000-ზე მეტია და 1400-მდე აღწევს. არ იკლებს გარდაცვლილთა ყოველდღიური მაჩვენებელი. ქვეყანაში ძირითადად ცირკულირებს ბრიტანული, ალფა შტამი და ნელ-ნელა ძალებს იკრებს ინდური, ანუ დელტა შტამი. დაავადებათა კონტროლის ცენტრი ვარაუდობს, რომ საქართველოში კოვიდით ინფიცირების 15-20% უკვე დელტა შტამზე მოდის, რომელიც პირველადი გამოკვლევების თანახმად, სხვა შტამებზე მეტად გადამდებია და ერთ ინფიცირებულს 6-7 ადამიანის დაინფიცირება შეუძლია. ამ ყველაფრის ფონზე, ქვეყანაში თითქმის მოხსნილია კოვიდშეზღუდვები.
რამდენად დიდია ვირუსის შემდეგი ტალღის საფრთხე და რას უნდა ველოდეთ, თუკი ისევ პიკი დადგა?

სტუმარი: აკაკი ზოიძე - ჯანდაცვის პოლიტიკის სპეციალისტი;


#ახალიამბები #BusinessMediaGeorgia