პროფესიით ჟურნალისტისთვის ხალხთან კომუნიკაცია, ადამიანების ერთი იდეის გარშემო შემოკრება და შემდეგ, ამ ქაოსის მართვა ქეთა ბაღაშვილისთვის ჰობი აღმოჩნდა. მიუხედავად იმისა, რომ სილამაზის სფეროსთან კავშირი არ ჰქონია, ფეისბუკზე შექმნილი ჯგუფის Beauty Lab-ის წევრებთან ერთად ისწავლა ყველაფერი ამ ინდუსტრიის შესახებ. ამასთან, მიეცა შანსი დიდი ხნის სურვილი აეხდინა და საქართველოში სილამაზის ინდუსტრიასა და მომსახურების სფეროს დახვეწაში მიეღო მონაწილეობა. სურდა, ყველას ჰქონოდა თანაბარი შესაძლებლობა, ეგრძნო თავი ლამაზად და ყოფილიყო თავდაჯერებული. და ასე გაჩნდა სილამაზის ინდუსტრიაში, ახალი და ძალიან მნიშვნელოვანი/საჭირო ბრენდი- Beauty Lab, დანარჩენზე კი ქეთა ბაღაშვილთან ერთად გავაგრძელებთ საუბარს, რომელიც პლატფორმის თანადამფუძნებელი, აღმასრულებელი დირექტორი და ასევე Forbes-ის 30 წლამდელთა სიის წევრია.

სტუმარი: ქეთა ბაღაშვილი - Beauty Lab-ის თანადამფუძნებელი და აღმასრულებელი დირექტორი.


#ახალიამბები #BusinessMediaGeorgia