კორპუსის ჩამონგრევის ფაქტზე დაკავებულ სამ პირს, აღკვეთის ღონისძიების სახით, პატიმრობა შეეფარდა. მოსამართლე თამარ ბეჟანიშვილმა, პროკურატურის შუამდგომლობა დააკმაყოფილა. პროკურორის თქმით, არსებობული მტკიცებულებები და ჩვენებები ბრალდებულების დანაშაულზე მეტყველებს. დაცვის მხარის ადვოკატები სასამართლოს გადაწყვეტილების გასაჩივრებას აპირებენ. მათი თქმით, არ არსებობს მტკიცებულება, რომ მათ დაცვის ქვეშ მყოფები გულგრილად მოიქცნენ და ისინი ნახაზის მიხედვით მოქმედებდნენ. სასამართლო პროცესი 1- ელ დეკემბერს ჩაინიშნა. ბათუმში, 26 მაისის ქუჩაზე, შვიდსართულიანი საცხოვრებელი კორპუსი 8 ოქტომბერს ჩამოინგრა. ნანგრევებში ათი ადამიანი მოყვა. შემთხვევას, 9 ადამიანი ემსხვერპლა, მათგან 3 არასრულწლოვანი. შინაგან საქმეთა სამინისტრომ მომხდარ ფაქტზე 3 პირი - ბინის მეპატრონე ზაურ ბუდაგოვი და 2 მუშა, მამა-შვილი სურმანიძეები დააკავა.