ბათუმი კიდევ ერთ ტრაგედიას გადაურჩა. იაშვილის სახელობის ბათუმის დედათა და ბავშვთა ცენტრალურ ჰოსპიტალში, გუშინ, გვიან ღამით ჭერი ჩამოიშალა. შემთხვევის დროს პალატაში ოთხი მცირეწლოვანი და მათი მშობლები იმყოფებოდნენ. შედეგად არავინ დაშავებულა. დაწესებულებაში განცხადეს, რომ ჰოსპიტლის საინჟინრო სამსახურების მიერ ფაქტის შესწავლა მოხდა და დადგინდა, რომ შეკიდული ჭერის, თაბაშირ მუყაოს კონსტრუქცია დაზიანდა. შინაგან საქმეთა სამინისტრომ ფაქტზე გამოძიება დაიწყო.