ბათუმში დატრიალებული მძიმე ტრაგედიის - მცირე ეპიზოდი, 26 მაისის ქუჩაზე დამონტაჟებულმა ერთ-ერთმა კამერამ ასახა. კადრში მოხვედრილ შუახნის კაცს, აშკარად გაუმართლა, რადგან 7 სართულიანი სახლის ნანგრევებად ქცევას, თავი რამდენიმე წამით ადრე დააღწია. თუმცა, სიკვდილს ვერ გადაურჩა 9 ადამიანი, მათ შორის 3 მცირეწლოვანი. ამ ამბავმა მთელი ქვეყანა შეძრა.
მძიმე ემოციურ ფონზე მთავარი კითხვების დასმა ჭირს, თუმცა, უნდა ვაღიაროთ, რომ ყველას აინტერესებს: რომელი პასუხისმგებელი უწყების უპასუხისმგებლობამ შექმნა ასეთი სურათი ქალაქში. მესამე სექტორი ხელს მერიისკენ იშვერს. შოთა გუჯაბიძე ამბობს, რომ ხელისუფლება, ბიზნეს-ინტერესებს ადამიანის სიცოცხლეზე მაღლა აყენებს. ორგანიზაცია „ბათომის“ წევრი, მოქალაქეების გულგრილობაზეც მიუთითებს.
პასუხისმგებელი უწყებების გულგრილობის შედეგი იყო კიდევ ერთი ტრაგედია ქალაქში. 2017 წელს სასტუმრო „ლეოგრანდში“ გაჩენილი ხანძრის შედეგად 11 ახალგაზრდა დაიღუპა. გარდაცვლილებს, მთელი ქვეყანა გლოვობდა. საზოგადოებას მაშინაც, დღევანდელის მსგავსად, ცენტრალური თუ ადგილობრივი ხელისუფლება საქმის საფუძვლიან შესწავლას და შესაბამის, მკაცრ რეაგირებას ჰპირდებოდა, თუმცა შემზარავი ფაქტიდან 4 წლის თავზე ასეთი მოცემულობა გვაქვს - სამართალდამცავმა უწყებამ, განთავსების ობიექტში სახანძრო უსაფრთხოების წესების დარღვევის ფაქტზე, მხოლოდ 2 ადამიანი დასაჯა. რატომ შევიდა ექსპლუატაციაში, თავის დროზე, შეუსაბამოდ აღჭურვილი ძვირადღირებული კომპლექსი? მთავარი კითხვა დღემდე პასუხგაუცემელია. სასტუმრომ კი, ფუნქციონირება, შეცვლილი სახელწოდებით, რამდენიმე თვეში განაგრძო.
„არმაზი“- კიდევ ერთი სასტუმრო რეგიონში ტრაგიკული ამბით. 6 წლის წინ უბედური შემთხვევის შედეგად, ქობულეთში, რუსთაველის ქუჩაზე მდებარე განთავსების ობიექტში 3 ბავშვი დაიღუპა. მიზეზი ხანძარი იყო. მომხდარზე სრული პასუხისმგებლობა სასტუმროს მფობელს, ზაზა ართმელაძეს დააკისრეს. საზარელი ფაქტის გამო აქაც რიგითი მოქალაქე დასაჯეს, რომელმაც მოგვიანებით, სიცოცხლე თვითმკვლელობით დაასრულა. ხოლო, მას, ვისაც ქალაქში უსაფრთხოების კონტროლი ევალებოდა, ბათუმში, დატრიალებული ტრაგედიების მსგავსად, პასუხისმგებლობა არ დაეკისრა
რეგიონში მომხდარ მძიმე ტრ