პური ისევ გაძვირდა. ყველაზე მოთხოვნადი პროდუქტის გაძვირება ფქვილზე ფასის ზრდამ გამოიწვია. სექტემბრის თვეში ერთი ტომარა ფქვილი 61 ლარი ღირდა, დღეს კი მისი ფასი 70 ლარის აღწევს. ეკონომისტები ქვეყანაში ფასების კიდევ უფრო ზრდას აანონსებენ. ექსპერტები არ გამორიცხავენ, რომ პურის და ფქვილის გაძვირების შემდეგ, ფასები პირველადი მოხმარების პროდუქტებზეც გაიზარდოს. მათი თქმით, შექმნილი ვითარების დარეგულირება ახლა შეუძლებელია და ამაზე მთავრობას წლების წინ უნდა ეზრუნა. მძიმე ეკონომიკურ მდგომარეობასა და ფასების ზრდასთან დაკავშირებით ხელისუფლება ისევ დუმილს ინარჩუნებს.