გასული კვირის მიწურულს Galt-ის მიერ განახლებული მაკროეკონომიკური ანგარიშის მიხედვით, წელს ეკონომიკა 9.5%-მდე გაიზრდება.
Galt & Taggart აქამდე ეკონომიკის 8.6%-იან ზრდას პროგნოზირებდა. როგორც ორგანიზაციის მიერ გამოქვეყნებულ მიმოხილვაში წერია, გაზრდილი პროგნოზი მიმდინარე წლის 8 თვის რეალური ეკონომიკური ზრდის მაჩვენებლებს ემყარება.
ამავე დროს წამყვანი საინვესტიციო ბანკის ეკონომისტები მიიჩნევენ, რომ აღდგენის მიუხედავად, უმუშევრობა მიმდინარე წლის მეორე კვარტალში 22.1%-მდე გაიზარდა, რაც 3.8% პროცენტული პუნქტით მეტია 2020 წლის შესაბამის პერიოდზე და თითქმის 4.9 პროცენტული პუნქტით აღემატება პანდემიამდელ 2019 წელს.
Galt & Taggart ელის, რომ შრომის ბაზარი პანდემიამდელ პერიოდს 2022 წლიდან დაუბრუნდება, რასაც ტურიზმის აღდგენა შეუწყობს ხელს.

სტუმარი: ევა ბოჭორიშვილი - “Galt&Taggart;”, კვლევების დეპარტამენტის უფროსი



#ახალიამბები #BusinessMediaGeorgia