სამი ოპერაცია ქვედა კიდურზე + ფილტვების დაზიანება და მძიმე სოციალური ფონი. გიყვებით მარტოხელა მალხაზ გორგილაძეზე, რომელიც ხელისუფლებას დახმარებას უშედეგოდ სთხოვს. ქობულეთის მუნიციპალიტეტის სოფელ ჩაქვისთავში მცხოვრები კაცი, ხელისუფლებას, სოციალურად დაუცველის სტატუსით სარგებლობას სთხოვს. აქვს დავალიანება კლინიკაში, რომელსაც ვერ იხდის. ყველაფერს კი სახლთან მისასვლელი ამორიზებული გზა ემატება, რის გამოც მასთან მისვლას სამედიცინო დახმარების ტრანსპორტიც ვერ ახერხებს. მარტოხელა კაცის მრავალწახნაგოვანი პრობლემა თეო ფუტკარაძემ მოისმინა.
მალხაზ გორგილაძემ ყოველდღიური მძიმე ყოფის გაუმჯობესებისთვის დახმარების თხოვნით, პირადად აჭარის მთავრობის თავმჯდომარეს მიმართა. იგი თორნიკე რიჟვაძეს მობილურით ესაუბრა რომლისგანაც ასეთი პასუხი მიიღო:
მალხაზ გორგილაძეს ფილტვებზე სასწრაფო ქირურგიული ჩარევა ესაჭიროება. ჯამთელობის პრობლემებს ფეხის დაზიანებაც დაემატა და საწოლს მიეჯაჭვა. დამოუკიდებლად გადაადგილდება უჭირს. იმის, გამო, რომ ფიზიკური შრომა არ შეუძლია და საპენსიო ასაკიც არ აქვს, თავის რჩენას, ახლობლების დახმარებით ახერხებს.
მარტოხელა კაცი რთულ პირობებში ცხოვრობს. რამდენიმე კვადრატულ ფართს, ბეტონის იატაკი აქვს, ფანჯრებზე შუშები ჩამსხვრეულია და არც საყოფაცხოვრებო ტექნიკა მოეპოვება. ამ ყველაფრის მიუხედავად, მალხაზ გორგილაძე, სოციალურად დაუცველის სტატუსით მოსარგებლე მაინც ვერ გახდა. 53 წლის კაცს სახელმწიფო დახმარებით მიღებული თანხა, მედიკამენტების შესაძენად ესაჭიროება.
ქობულეთის მერიაში ამბობენ, რომ მოქალაქეს, 700 ლარის ოდენობით, ერთჯერადი დახმარება უკვე გაეწია. თუმცა, უწყებაში ვერ ამბობენ, უნდა ჰქონდეს, თუ არა მარტოხელა, ხანში შესულ კაცს ადგილობრივი ხელისუფლების იმედი.
მძიმე ყოველდღიურობას ისიც ემატება, რომ სოფელ ჩაქვისთავში მცხოვრებ, ჯანმრთელობის პრობლემების მქონე, მალხაზ გორგილაძის სახლთან მისასვლელი გზა ავარიულია. მონაკვეთი იმდენად დაზიანებულია, რომ ადგილზე მისვლა, მხოლოდ, მაღალი გამავოლობის ტრანსპორტითაა შესაძლებელი. ხშირად, მისამართზე, სასწრაფო დახმარების მანქანაც ვერ მიდის.
ქობულეთის მერიის ინფრასტრუქტურის სამსახურში წერილობით განმარტეს, რომ სახლთან მისასვლელი გზის, შესაბამ