თამბაქოს რეალიზაციის პრობლემა - რას აპირებს ხელისუფლება
ბოლო ორი წლის განმავლობაში, თამბაქოზე ფასის ზრდამ, მისი მასობრივი გავრცელება გამოიწვია. აჭარის მთიანეთში, თამბაქოს კულტურა იმდენად გავრცელდა, რომ თითქმის ყველა სოფელში, საცხოვრებელ სახლებსა თუ პოლიეთილენის პარკით გადახურულ ფარდულებზე, ძაფზე აკინძულ თამბაქოს ყველგან შეხვდებით. ჭარბად მოწეულმა მოსავალმა კი პრობლემები შექმნა. პროდუქციის პირველადი მწარმოებლები მის რეალიზაციას ვერ ახერხებენ. მოქალაქეები აცხადებენ, რომ არსებული ტარიფი მინიმალურია და ხელისუფლებას რეაგირებისკენ მოუწოდებენ.
გიული კონცელიძეს თამბაქო სარეალიზაციოდ მოჰყავს. ამ კულტურით, ოჯახი თავს წლებია ირჩენს. ამბობს, რომ თამბაქოზე, საბაზრო ღირებულების ფასის ვარდნამ, გლეხები გამოუვალ მდგომარეობაში ჩააყენა და უკიდურეს ვითარებაში მყოფი, მთიან აჭარაში მცხოვრები ოჯახების ყოფა გააუარესა.
სოფელ ცხმორისში მცხოვრები დათო კონცელიძე, იმ მიზეზებს ასახელებს, რამაც თამბაქოზე ფასის ვარდნის პარალელურად, რეალიზაციის პრობლემა გამოიწვია. მისი შეფასებით, მათგან ერთ - ერთი, ადგილობრივი თუ ეროვნული ბაზრის მონოპოლიზაციააა, რაც ცენტრალური ხელისუფლების მაღალჩინოზნების ხელშია.
მიუხედავად იმისა, რომ აჭარის მთის მოსახლეობის ძირითადი შემოსავალი სოფლის მეურნეობაზე მოდის, ადგილობრივი თვითმართველობა, ამ სფეროს ხელშესაწყობად და განსავითარებლად თანხებს არ გამოყოფს. ამაში პრობლემას ვერ ხედავს ქედის ახალარჩეული მერი. როლანდ ბერიძე აცხადებს, რომ შესაბამის პროგრამებს სოფლის მეურნეობის სამინისტრო აფინანსებს და ადგილობრივი ბიუჯეტიდან, ამ მიმართულებით, თანხების გამოყოფა საჭირო არაა.
თამბაქოს კულტურის განსავითარებლად თანხებს არც სოფლის მეურნეობის სამინისტრო გამოყოფს. აჭარის მთაში, ყველაზე გავრცელებულ კულტურაზე გრანტებიც არ გაიცემა. შესაბამისად, თამბაქოს პირველადი თუ მეორადი წარმოება პირდაპირ სუბიექტებსა და ფერმერებზე გადის. რა სამოქმედო გეგმა აქვს პასუხისმგებელ უწყებას არსებული პრობლემის მოსაგვარებლად და როგორ ხედავს თამბაქოს რეალიზაციის საკითხის მოგვარების გზებს? აღნიშნულ საკითხთან დაკავშირებით, აჭარის სოფლის მეურნეობის სამინისტროს დავუკავშირდით, სადაც გვითხრეს, უწყება, ამ მიმართულებით, ა