ქვეყანა, სადაც სახალხო დამცველი თავად ხდება დასაცავი
ის ვინც მოქალაქეებს უნდა იცავდეს, ჩვენს ქვეყანაში, თავად ხდება დასაცველი. ბოლო მოვლენების ფონზე, სახალხო დამცველი, არც მეტი, არც ნაკლები, ხელისუფლების იერიშის ობიექტი ხშირადაა. "ქართული ოცნების" მთავრობამ ობმუდსმენის მისამართით მუქარის შემცველ განცხადებებს მოუხშირა. მმართველი გუნდის წევრები ნინო ლომჯარიას კომპეტენციას ეჭვ ქვეშ აყენებენ და მის მიმართ არც ცინიზმს იშურებენ.
სახალხო დამცველზე თავდასხმებს, საერთაშორისო გამოხმარეურებებიც მოჰყვა. „საერთაშორისო უფლებადამცველი“ ორგანიზაცია, “Amnesty International”-ი-ტვიტერის ოფიალურ გვერდზე წერს, რომ ქვეყნის მთავრობამ, ომბუდსმენს პატივი უნდა სცეს.
ვისი იმედი უნდა გვქონდეს მოქალაქეებს? ან ვინ დაგვიცავს ჩვენ? რასთან გვაქვს საქმე, როცა სახალხო დამცველს თავს, თავად ხელისუფლება ესხმის? ფაქტის შეფასება საკუთრივ საზოგადოებას ვთხოვეთ. პასუხები კი, ასეთია.
ოპოზიციაში ფიქრობენ, რომ მმართველ გუნდს სახალხო დამცველის ინსტიტუტის დისკრედიტაციის გზით, კრიტიკის შემცირება და მოქმედების თავისუფლების მოპოვება სურს.
მესამე სექტორის შეფასებით, ხელისუფლებას სახალხო დამცველის უფლებები ავიწყდება. ახალგაზრდა იურისტთა ასოციაციაში ამბობენ, რომ ომბუდსმენის საქმიანობის ხელშეშლა კანონით ისჯება. ლევან ქათამაძის თქმით, სახალხო დამცველს უფლებები საქარველოს კონსტიტუციით აქვს გარანტირებული, რის შესაბამისადაც, მასზე ზემოქმედება დანაშაულია. „საია“-ს იუსრისტი მმართველი გუნდის დამოკიდებულებას დაუშვებლად მიიჩნევს, მითუმეტეს იმ ფონზე, როდესაც იგი თავის უფლებამოსილებას ახორციელებს.
რატომ იყებენს მმართველი გუნდი სახალხო დამცველის მიმართ აგრესიულ და მადისკრიმინებელ რიტორიკას? რასთნ გვაქვს საქმე, როცა ქვეყანაში, თავად მთავარი უფლებადამცველის უფლებებია დარღვეული? განმარტებების გაკეთება ხელისუფლების წარმომადგენლებს ვთხოვეთ. როგორც ყოველთვის, „ქართული ოცნების“ წევრები კრიტიკულ კითხვებს, ამჯერადაც, დაემალნენ.