საქართველო განათლების დონით, რომ დაბალ განვითარებული ქვეყნების სიაშია და ბირმაცენტრალური აფრიკის რესპუბლიკასთან ადგილს ინაწილებს, ახალი აღარაა. წარმოგიდგენიათ, როგორ გაიზრდება სწავლის ხარისხი თუ მოსწავლეები სკოლაში თვით, ბიძინა ივანიშვილის, შემოქმედებას ისწავლიან? „ქართულმა ოცნებამ“ პარტიის დამფუძნებლის, დიდი ღვაწლის დაფასება გადაწყვიტა და ოლიგარქ ივანიშვილს სკოლის ისტორიის სახელმძღვანელოში საპატიო ადგილი გამოუყო. საბჭოთა კავშირი? ჩრდილოეთ კორეა? კონგოს დემოკრატიული რესპობლიკა? არა მეგობრებო! ეს, დემოკრატიის შუქურად წოდებული, დღევანდელი საქართველოა!

ბიძინა ივანიშვილის ქება-დიდებაში გაწაფული მეოცნებეები, მიხეილ ჩხენკელის უწყებამ, აშკარად გადაფარა. დიდი ქველმოქმედი და მეცენატიო. გამიკვირდა აქ სადმე ექვთიმე თაყაიშვილი, რომ არ ეწერა.

საინტერესოა, რას ფიქრობენ, თავად, ისტორიკოსები და პედაგოგები, ვისაც, უშუალოდ უწევს განათლების სამინისტროს მიერ დაწერილი ისტორიის სწავლება.

„ქართული ოცნების“ დამფუძნებლის ბიოგრაფიისა და ცხოვრებისეული მიღწევების გარდა, ახალი ისტორიის სახელმძღვანელოს შემქმნელებს, არც 2008 წლის ომი და ვარდების რევოლუცია გამორჩენიათ. თუმცა, აქ გამაოგნებელი საკითხების კონტექსტი და უფროსკლასელების მიმართებით დასმული კითხვა და მისი ფორმულირებაა.

რით დაიმსახურა "ქართული ოცნების" ლიდერმა სასკოლო სახელმძღვანელოში მოხვედრა? ეს კითხვა დღეს საზოგადოების დიდი ნაწილს გაუჩნდა. პოლიტიკოსებმა პროტესტის ნიშნად აქციაც დააანონსეს, მოქალაქეები მსგავს გადაწყვეტილებას უარყოფითად აფასებენ და მოცემულობას საბჭოთა კავშირის პერიოდს ადარებენ. ამბობენ, რომ ეს ისტრორიის გადაწერის მცდელობაა