#ერთსულოვნება #საპარტრიარქო #ტელევიზია

სოციალურ ქსელ Facebook-ში ფუნქციონირებს ყალბი, ეგრეთ წოდებული Fake-გვერდი სახელწოდებით - „ქაშვეთი“, რომელიც პროვოკაციულ და პრორუსულ ინფორმაციას ავრცელებს. ხაზგასმით გვინდა აღვნიშნოთ, რომ ეს გვერდი ქვაშვეთის წმინდა გიორგის სახელობის ტაძრის ოფიციალურ ონლაინ პლატფორმას არ წარმოადგენს. შესაბამისად, აქ გაჟღერებული ინფორმაცია ტაძრის წინამძღვრისა და სხვა სასულიერო პირების მოსაზრებას არ გამოხატავს. გთხოვთ გაითვალისწინოთ, რომ აღნიშნული გვერდი არის ყალბი და სხვის სახელს ამოფარებულ ადამიანთა ბოროტი ზრახვის ნაყოფი. ზემოთ ხსენებული ანგარიშის სიყალბეზე მიუთითებს ისიც, რომ გვერდის სახელწოდებად გამოყენებული ტაძრის სახელიც კი შეცდომით არის მითითებული. ამავდროულად, აქვე უნდა ითქვას, რომ ქვაშვეთის წმინდა გიორგის სახელობის ტაძარს სოციალურ ქსელში საკუთარი გვერდი საერთოდ არ აქვს.