#ახალიამბები
1993 წელს, აფხაზეთის ომში, 300-მდე უკრაინელი ჯარისკაცი ყველაზე ცხელ წერტილებში იბრძოდა. მძიმე პერიოდში, პირველი ჰუმანიტარული დახმარება სწორედ უკრაინამ გამოაგზავნა. პირველი მოხალისეებიც სწორედ მოძმე ქვეყნიდან ჩამოვიდნენ.
სოხუმს ბოლო წუთამდე უკრაინული რაზმი იცავდა, მათ ცეცხლმოდებული ქალაქიდან უამრავი ადამიანი გამოიყვანეს. უკრაინელმა პილოტებმა საკუთარი სიცოცხლის ფასად 8 ათასი მოქალაქე გადაარჩინეს, ლტოლვილთა დიდი ნაწილი კი შემდგომ ემიგრაციაში სწორედ უკრაინაში წავიდა.
რატომ გიყვებით ამას? იმიტომ რომ მარტივი იყოს პარალელის გავლება ერთი ბედის მქონე ორი ქვეყნის ხელისუფლებების მხრიდან, ერთმანეთისადმი მძიმე პერიოდში, რადიკალურად განსხვავებული მხარდაჭერის ფორმებს შორის. რა ისტორიული ვალი აქვს ჩვენს ქვეყანას უკრაინისადმი და რას აკეთებს საქართველოს მთავრობა პუტინთან ომში მარტოდ დარჩენილი უკრაინის სოლიდარობისთვის?