8 ტონა, გაგზავნილი ჰუმანიტარული დახმარება და 25 ტონა, გასაგზავნად გამზადებული ნივთები. დიახ, გიყვებით რიგითი მოქალაქეების მიერ შეგროვებულ სხვადასხვა სახის პროდუქტზე. უკრაინაში მიმდინარე მძიმე დღეებმა, საზოგადოება ერთ გუნდად შეკრა, განვლილმა პერიოდმა გვიჩვენა, რომ ქართველებმა, მოძმე ქვეყნის დასახმარებლად მაღალი  სოციალურ პასუხისმგებლობა გამოიჩინეს.

უკრაინაში მიმდინარე მძიმე დღეებმა, მთელი მსოფლიო გააერთიანა. მოძმე ერისთვის გაერთიანდნენ ქართველებიც. რიგითი ადამიანები, მეგობარი ქვეყნის მოქალაქეებს გაჭირვების ჟამს, ისე ეხმარებიან რისი შესაძლებლობაც აქვთ.

ტანსაცმელი, მედიკამენტები, არამალფუჭებადი პროდუქტი - ეს არასრული ჩამონათვალია იმ ნივთებისა, რომლებიც რიგით მოქალაქეებს, სქესის, ასაკის თუ ეროვნების განურჩევლად, ჰუმანიტარული დახმარების შტაბებში მიაქვთ. ახლა ყველა ერთი მიზნის ირგვლივ გაერთიანდა.

რატომ ეხმარებიან უკრაინას? პასუხი მარტივია. ამბობენ, რომ საქართველოს მსგავსად, მეგობარი ქვეყანაც პუტინის აგრესიის მსხვერპლია. ფიქრობენ, რომ ჰუმანიტარული დახმარების შტაბში მიტანილი, თითოეული ნივთი, სოლიდარობის გამოხატვის და მოძმე ქვეყნის,  გვერდით დგომის ნიშანია.

რიგითი მოქალაქეები, უკრაინიდან ჩამოსულ მოქალაქეებს, ომის დასრულებამდე,  მათთან ცხოვრებას და საცხოვრებელი პირობებით უზრუნველყოფას, უსასყიდლოდ,  სთავაზობენ.